大賽舉行股市無運行

坊間有所謂的「世界盃效應」，就是在大型盃賽期間，股市都會下跌，有人解釋是因為基金經理和散戶都無心戀戰，寧願睇波都唔睇股，加上世界盃和歐國盃隔兩年輪流在六月開波，適逢暑假來臨，更啱邊飲啤酒邊看球賽。

歐國盃有「小世界盃」之稱，其「世界盃效應」不容忽視。翻查過去五屆歐國盃在決賽周期間（約三周時間），香港、美國、英國和德國股市同時偏弱，尤以英國最差（平均跌2.8%），香港相對理想，但平均都跌1.8%。

5屆歐國盃 美股全跌

過去五屆歐國盃，美股全跌，英、德股同樣「四跌一升」，港股則「三跌兩升」。上屆歐國盃在○八年六月舉行，兩個半月後雷曼兄弟爆煲，在金融風暴前夕，港、美、英、德四地股市表現已十分疲弱，賽事期間，港股跌近10%，德股跌近6%，已叫「無咁傷」，○八年股市為過去五屆中氣氛最壞的一屆。

華富嘉洛則翻查過去十年，世界盃和歐國盃期間（自○二年起合共5次盃賽）恒指六月表現，結果是「三升兩跌」，但「驚人」的是，該5個六月港股成交按月全部下跌，相反，在無世界盃和歐國盃舉行的六月，港股成交量全部按月上升。

今個六月歐洲政經局勢風雲色變，在大賽緊箍咒下，港股似乎弱勢難逃。