魚缸Blogger：恒大短線炒波幅
經前日急跌後，魚缸尋日的反彈仍然係無厘神氣，收市僅升73點，主板成交連400億銀都唔夠，喺咁疲弱嘅市況，博反彈只宜大大聲細細注。
內房股氣氛持續回暖，上月內地30個重點城市新建住宅交投量按年升28%，所以今日就順手望吓隻恒大地產（03333）。揀恒大嘅最主要原因，係貪佢beta值夠高，達2.1水平，比中建材（03323）嘅1.9仲要高少少，正因為咁，喺反彈市中恒大嘅升幅往往跑贏大市，而集團今年頭四個月售樓量已達全年目標嘅兩成，而五月又有8至10個樓盤銷售，所以如果轉身夠快，不妨喺3.6元至4蚊邊炒波幅，博密食當三番。
恒大地產（03333）
阻力位：4.1元
支持位：3.5元