SUN勢力：統一受惠通脹回落
港股喺前日創過今年新低後，尋日只係彈番73點，主板成交仲要唔夠400億元，可見市底之弱。雖然尋晚G7召開緊急會議討論如何處理歐債危機，但相信都係得個講字居多。
尋日食品股普遍做好，當中MSCI中國指數新貴統一（00220），收市升逾2%。事實上，喺全球經濟放緩下，食品股所受的影響相對較奢侈品小。而統一的「老壇酸菜牛肉麵」近年銷量不斷提升，並對康師傅（00322）馳名的「紅燒牛肉麵」構成威脅。
食品股嘅另一優勢，係好似尋日所講嘅電力股咁，能夠受惠通脹回落。在原材料價格下調下，給予產品毛利率回升的空間。雖然統一去年純利按年減少約四成，但今年首季業績已大為改善，錄得未經審計利潤3,992萬美元，按年大增2.9倍。其股價近日未有隨大市回落，並在6.4元至7元水平之間橫行，昨收報6.61元，阻力位先睇7元。
統一（00220）
阻力位：7.00元
支持位：6.35元