市場徐想：金威啤酒憧憬好消息
圍爐一聚，Prof. J少不得叫幾罐冰凍啤酒，做過開心快活人！金威啤酒（00124）近年加強了廣東省內嘅銷售，又積極整合、優化銷售渠道，以及更謹慎處理推廣費用，務必使其更有效益。同時間，金威亦積極改善產品結構、嚴格控制成本，化解經濟面帶來嘅衝擊。
金威近年盈利能力改善咗唔少，不過由於成本增加、巿場競爭激烈等因素下，今年頭集團宣布擬向第三方出售釀酒業務及相關資產。而經過幾個月嘅洽談，據聞快將有結果，市場盛傳北控（00392）旗下嘅燕京啤酒係真命天子。不過，亦係潛在買家嘅華創（00291），就否認已退出收購，似乎呢場爭奪戰，仲未到塵埃落定嘅時候。
金威股價近日喺2.4元水平見到支持，逆市企穩，昨日升再1.1%，以2.62元報收，若啤酒業務能賣得好價錢，相信股價大有進一步上升的空間，現價值得小注一試。繼續追縱，出發！