魚缸Blogger：中國南車當炒之選
過去十三個交易日大市跌咗十二日，雖然技術性反彈仲未出現，但執筆時歐股、道指期貨回穩，只要希臘唔突然間話破產或者脫歐，今日博反彈仍然有得諗。
暴炒男話過憧憬內地好快會放水，結果溫爺爺尋日就出口術話要加強鐵路、市政工程等基建，而見報嘅中交建（01800）亦有好表現。炒股最緊要有勢，既然鐵路基建股當炒，今日就乘勝追擊，睇吓隻破晒位嘅中國南車（01766）。喺內地主營鐵路機車嘅南車，母公司同北車集團幾乎壟斷相關組件嘅市場，而南車今年首季業績喺收入微跌下，純利仍按年升13%，實力可見一斑，跟進阻力先睇6.2元。
中國南車（01766）
阻力位：6.2元
支持位：5.6元