市場徐想：收租股盈利有保障
呢排外圍風風雨雨，揀股票當然要避重就輕，近幾年香港收租股真係如日中天，咩嘢風風雨雨都冇有怕。
太古地產（01972）主要業務包括發展、租賃同埋管理商業、零售及若干住宅物業，亦有投資同埋經營酒店。集團二月份時宣布喺美國邁阿密發展Brickell CitiCentre項目，為市內最大單一發展項目，將提供接近290萬平方呎樓面面積，包括住宅、購物商場、辦公樓、酒店同酒店式住宅，預計今年第二季動工。
另外，集團去年四月收購鄰近太古坊嘅糖廠街23號物業，將重建為酒店式住宅。另外，公司位於廣州天河區嘅太古匯購物商場去年已正式開業，項目面積380萬平方呎，其酒店同酒店式住宅就會喺今年下半年啟用。隨住接踵而來嘅項目落成，公司開始進入成熟期，多項新增收入將有助提高盈利！
睇番數據，公司每股帳面資產淨值約31元，現價有一定折讓！