太子手記：嘟QR碼盡覽股市資訊
智能手機愈嚟愈多人用，改變咗唔少人嘅生活習慣，亦提供唔少方便。最明顯就係查閱股價資料，以前要「捕」住喺股票機或者電腦前，依家一機在手，乜嘢股票資訊都有得睇。
資料齊全唔使周圍搵
現時QR編碼日趨普及，用手機鏡頭掃一下編碼即進入指定網頁，睇股價資料真係方便得多。
太子知道《太陽財經》已經將行情表服務優化，為股市不同資訊編製QR碼，讀者只要用智能手機嘅閱讀QR編碼app，掃一掃刊登喺行情表嘅QR編碼（見B6版），即時進入相關網頁，無論係派息備忘、沽空紀錄、大手成交、甚至港股美國預託證券（ADR）昨日收市價，全部有齊，唔使左搵右搵。
想睇即時股市資訊，可揭去投資版FUNDMAN睇市專欄（見B7版），掃一掃欄內嘅QR編碼，就可以睇齊港股二十大升跌以及成交資訊，緊貼市場脈搏。
手機嘟QR碼後，可直上網頁查閱派息、沽空等資料。