魚缸Blogger：南航腰力夠可跟炒
個市彈完一日再狂插，前日嘅升幅唔單止無晒，仲要嘔凸，埋單恒指跌咗六百幾點，好多股都好似要錢唔要貨。家陣市場人心惶惶，都無乜人夠膽撈底，但係暴炒男覺得，只要隻股掂嘅話，現水平開始分段吸納都無妨。
尋日隻中國南航（01055）走勢都算唔錯，早段雖跟大市跌到落3.2元，但低位有買盤吸納，支持股價拗腰回升，最後倒升1.2%，以3.34元收市。事實上，南航近排係咁跌，負面因素已反映得七七八八，大摩都話航空股股價已反映今年首季業績欠佳嘅因素，預期客、貨運量都可見底回升。另外，油價下跌亦係支持股價上升的重要因素，所以不妨順勢上車炒番轉。
中國南航（01055）
阻力位：3.60元
支持位：3.14元