魚缸Blogger：廣藥未升夠可跟進
內地調低存備金率，以為港股尋日會有運行，點知最終插超過200點，連跌八個交易日。家陣港股個勢咁弱，都唔知要有咩好消息先至可以令個市升番上去。
尋日個市唔精神，但係廣州藥業（00874）就由頭帶到落尾，埋單升14%。廣藥之所以成為逆市奇葩，係因為母公司廣藥集團贏咗官司，成功攞番「王老吉」經營權同埋商標。王老吉目前喺內地嘅銷售增長，仲勁過可口可樂，可以話係一隻會生金蛋嘅雞，難怪廣藥走勢咁強。其實，攞番王老吉只係第一步，嚟緊母公司有機會將王老吉注入廣藥，估計喺呢個憧憬之下，廣藥肯定仲有得升，跟進先睇13元。
廣州藥業（00874）
阻力位：13.0元
支持位：10.8元