魚缸Blogger：南戈壁現回穩訊號
隔晚傳嚟希臘第二大黨領袖揚言若上台後即走數，後市暗湧處處，即使魚缸落番去兩萬邊，撈貨都係小注為上。
受中鋁（02600）提購消息刺激，南戈壁（01878）上月曾高見61.6元，但隨後南戈壁旗下子公司先後被當地政府叫暫停採礦，同請飲咖啡協助調查，股價亦好快打回原形。雖然呢單deal暫時未能夠成事，但蒙古方面正考慮通過一項有關外商投資的新法案，而中鋁亦表示會在七月頭發出收購要約，可見仍然有偈傾。
南戈壁尋日喺成交增加下開出利好「身懷六甲」嘅回穩訊號，短炒機會浮現，阻力睇52元。