魚缸Blogger：經緯紡機逆流而上
隔晚歐股出奇地神勇，不過港股尋日死貓彈咗一陣後倒跌收場，執筆時歐股亦偏軟，睇嚟魚缸今日可能要再試一試條250日線。
波動市搵食艱難，但就見到經緯紡機（00350）尋日逆流而上，雖然隻股近排無咩新消息，但前排內地傳得熱烘烘嘅金融改革似乎對集團有利，尤其係對近年已經成為集團盈利增長引擎嘅子公司中融信託。
據了解，金改重點城市溫州將會加強小額貸款力度，若將該模式複製到全國，相關機遇會非常龐大，故經緯紡機亦未有怠慢，早前就計劃集資泵水入中融信託，相信喺內地金改細節全面出台前，隻股應該仲有得炒吓，如企穩50日線4.66元樓上，阻力睇5.2元。
經緯紡機（00350）
阻力位：5.20元
支持位：4.66元