SUN勢力：恒大有升有息之選
尋日有報道指北京七成嘅豪宅（價格大概在600萬人民幣以上）都係由八十後購買，當中四成係自資，四成係靠父母出資。相比之下，本地八十後買唔起樓嘅卻係大多數，或者真正需要調控嘅其實係香港而唔係內地樓市。
內房股尋日個別發展，當中積奇上周三推介嘅越秀地產（00123）表現尤為突出，累計最多升逾7%。而今日推介嘅，係內房龍頭之一的恒大（03333）。恒大昨日公布四月份的合約銷售額，錄得81.9億元人民幣，按年升33%，首四個月已完成全年銷售目標的兩成。
恒大在內地一、二線城市都有大量項目，去年純利按年增長約五成，並超額完成年度銷售目標，目前市盈率只有4.8倍，息率逾5厘，無論係博升值抑或等收息都係理想選擇。其股價近兩日回落至20及50日線4.49元獲不俗承接，阻力位先睇二月底高位5.03元。
恒大（03333）
阻力位：5.03元
支持位：4.25元