魚缸Blogger：中鐵建走勢現突破
假期前港股急彈352點，但係睇番成交得420幾億銀，挾倉味濃，加上傳統智慧話「五窮六絕」，今個月買股都係唔好咁勇！
踏入次季，基建鐵路股嘅基本因素似有改善迹象，先有一至三月內地鐵路固定資產，同基本建設投資嘅按年跌幅收窄，之後再有溫爺爺要全年5,000億人仔鐵路投資到位嘅言論，利好板塊氣氛。中國鐵建（01186）今年第一季少賺近三成至12億人仔，但次季料有改善，加上業務多元化，除進軍內房外，同厄瓜多爾政府合作嘅採礦項目最近又獲得環境證書，難怪股份上周稍作整固後，前日再爆多棍陽燭突破三角形走勢，加上黃金交叉初現，跟進阻力先睇7蚊。
中國鐵建（01186）
阻力位：7元
支持位：6元