官恩娜：投資物業夠穩陣

1.你認為自己現時財富屬於哪一級？(分五等級：優、良、常、可、劣)

答：我覺得自己現時屬於「常」，唔太富有，又唔太窮咁啦！

2.你試過最貧窮是何時？當時情況是怎樣？

答：喺英國讀書時，我無做兼職，學費和零用錢全部父母畀，因為無錢，所以好少出街，費事使錢嘛！

3.你試過最富有是何時？當時情況是怎樣？

答：我覺得依家最富有，因為我心中富有。

4.每月的收入中，儲蓄、投資及消費分別佔多少？

答：我每月收入不定，無特定幾多用來投資和消費，基本上，我唔係大使嘅人，最大消費係屋租和家用。

5.金錢對你的重要程度？(分五級：極重要、很重要、重要、不重要、絕不重要)

答：金錢對我嚟講都重要，因為我大個女，對生活要有責任。

6.你每月開支平均大約多少？

答：每月開支約五位數，主要是屋租。

7.你現時身上帶有多少現金？

答：依家身上有二千蚊，我之前唔見咗銀包，連提款卡都無埋，所以要撳多啲錢傍身。

8.你從何時開始儲蓄？

答：我無儲蓄習慣。

9.你幾多歲賺到首個一百萬？

答：廿幾歲，我第一桶金係來自拍廣告。

10.你現時有否借貸？（包括信用卡、樓宇按揭及私人貸款）

答：無。

11.你現時共擁有多少張信用卡？

答：三張。

12.當中最大的信用限額是多少？

答：唔清楚，都係六位數左右啦！

13.你現時擁有多少個物業？

答：我有兩個物業，一個自住、一個租出去。

14.第一次買樓時你幾多歲？

答：二十三歲。

15.你有冇投資股票或基金？

答：股票、基金都無買，因為我唔識，盲目投資太危險嘞！

16.試舉出三間本港藍籌公司的名稱？

答：滙控、中電和恒地。（編：對！）

17.港股在每日何時開巿？

答：早上九時至下午四時。（編：早上九時半開市，收市時間對！）

18.現時最看好哪一個國家的貨幣？為甚麼？

答：我當然睇好人民幣啦！歌手、藝人成日返大陸賺人仔，就知道人民幣幾吃香啦！

19.你有否購買保險？若有，共擁有多少份保險？

答：只有一份保險，幫自己買嘅。

20.你有些特別的另類投資嗎？

答：無，我鍾意買樓多啲，勝在夠穩陣！

21.你打算何時退休？

答：退休？我無諗過喎，我諗住做藝人做到老。

22.你認為至少要擁有多少儲蓄才可安心退休？

答：我覺得有錢、無錢都可以退休啫，最主要睇自己對生活有咩要求。

23.你認為自己有沒有商業頭腦？

答：我覺得無，我鍾意穩陣嘅搵錢方法。

24.可以分享一條絕世發達的妙計嗎？

答：信自己，當你有自信，就會散發出一種吸引力。如果你信會中六合彩，只要成日諗會中，咁你中嘅機會都大啲。

個人資料

名稱：官恩娜

年齡：32歲

職業：歌手