魚缸Blogger：中信行反彈力度強
金魚缸上個禮拜嘅走勢可謂峰迴路轉，先有歐債危機死灰復燃，令恒指跌近兩萬大關，後有憧憬阿爺放水，結果令大市全周計逆轉升108點。不過，由於外圍形勢又轉差，相信今日港股都係回軟機會大。
中信銀行（00998）上周五隨一眾內銀股絕地反擊，急升逾6%。事實上，中信行嘅PE一直係多間內銀之中最低，吸引資金追捧亦不無道理。盈利方面，較多做工商業貸款嘅中信行，舊年純利按年升超過43%，至308億元人仔。至於今年，繼溫總早前力保中小企言論後，上月內銀新增貸款急增，對size較細嘅中信行亦有利，上周五股價破位，阻力先睇5.2元。
中信銀行（00998）
阻力位：5.2元
支持位：4.7元