魚缸Blogger：宏華不乏炒上誘因
大市尋日又再穿位，低見20,297點，之但係收市開番支待變十字星，加上內地後日將公布首季GDP，連同匯金增持內銀嘅消息，後市仍值得憧憬。
雖然伊朗願意重返談判桌，但油價仍企硬喺100美元樓上，高油價自然令周邊企業受惠，全球第二大陸上鑽機生產商宏華集團（00196）舊年就得以轉虧為盈。為咗配合阿爺《頁岩氣發展規劃》，集團已積極部署，尋日就有消息指中石油（00857）旗下公司已開展頁岩油項目，市傳新一輪頁岩氣招標亦快將展開，故短期內宏華唔愁無炒作誘因，尋日股價逆市上揚兼曾創一年新高，上升走勢成形，阻力先睇1.5元。
宏華集團（00196）
阻力位：1.50元
支持位：1.15元