魚缸Blogger：昆能有望更上一層樓
傳統智慧話長假期前金魚缸例靜，但同時亦為大戶提供一個舞高嘅機會，睇番過去嘅聖誕同新年長假就係一個好例子，所以呢兩個禮拜唔使睇得太灰。
昆侖能源（00135）尋日靜悄悄咁突破咗近九個月阻力，即市更曾抽穿舊年四月高位14.5元，短線蓄勢再上嘅形態已經形成。昆能舊年純利按年升逾33%至56億元，配合內地加快天然氣價格改革同「十二五」鼓勵使用潔淨能源，一般預期昆能今年可保持快速增長，加上公司完成收購母公司中石油（00857）一條天然氣管道六成權益，產生嘅協同效應將更趨明顯，只要守住裂口底部14蚊，更上一層樓指日可待。
昆侖能源（00135）
阻力位：15.5元
支持位：13.8元