市場徐想:TOM集團步入收成期
依家日日收發電郵,不停上網睇報告,網絡世界真係難以想像咁方便!好似騰訊(00700)等公司都已經佔據晒市場;反而三四隻零零丁丁嘅網絡股,若轉型成功,亦會有發揮潛能空間!
TOM集團(02383)業務幾廣泛,包括提供無線互聯網服務、網上廣告、商務企業解決方案同埋互聯網接入服務;透過互聯網交易平台進行商品銷售;出版雜誌及書籍、印刷媒體嘅廣告銷售同埋其他相關產品銷售;戶外媒體資產嘅廣告銷售同埋提供戶外媒體服務。集團近年不斷投資研發,推出創新產品同服務。針對電子商貿、電子出版同其他數位業務領域,只要經濟環境復甦,各項業務喺未來幾年隨時脫穎而出。
集團近排先獲批台灣電視牌照,配合公司屬下嘅台灣雜誌,將會不斷推出大眾化節目。同一時間,公司亦聯同中國郵政合作推出「郵樂網」迅速成長,去年上線用戶已達100萬。繼續追蹤、出發!