魚缸Blogger：統一企業乘勢發力
民企股上周五繼續屍橫遍野，不過祖國上月PMI出乎意料理想，今日或者可以為大市沖喜。
康師傅（00322）同百事嘅戰略聯盟獲批，令三隻台資食品股上周五有異動，不過康師傅近周喺低位已升咗一浸，而旺旺（00151）喺9蚊關又遇到阻力，今日就不如轉吼奶茶一哥統一企業（00220）。雖然統一舊年少賺近四成，但主要係受加強市場宣傳、擴充業務同內地通脹高企令成本上漲所致，而暴炒男一直強調嘅消費月又喺今日正式展開，或多或少有利食品股表現，加上統一上周曾抽穿近十個月阻力5.6元，今轉若完成後抽應有勢試叩6蚊關。
統一企業（00220）
阻力位：6.2元
支持位：5.2元