顏子菲：發達靠投資

1. 你認為自己現時財富屬於哪一級？

（分五等級：優、良、常、可、劣）

答：尚可。

2. 你試過最貧窮是何時？當時情況怎樣？

答：入行最初年幾，試過有個月冇工開，得番二千幾蚊現金，要捱一個月。

3. 你試過最富有是何時？當時情況是怎樣？

答：舊合約換新合約嗰時，爆show又有額外嘅錢收，雖然得幾千蚊，但已經好開心。

4. 每月的收入中，儲蓄、投資及消費分別佔多少？

答：完全冇呢個概念，我諗應該有30%儲蓄！

5. 金錢對你的重要程度？

（分五級：極重要、很重要、重要、不重要、絕不重要）

答：好難講，要生活就一定要有錢，我諗我會揀重要啦！

6. 你每月開支平均大約多少？

答：最多七、八千蚊啦，都係食嘢、交通費、買衫。

7. 現時身上帶有多少現金？

答：二至三千蚊傍身，感覺最安全！

8. 你何時開始儲蓄？

答：17歲已經開始打工儲錢。

9. 你擁有多少個銀行戶口？

答：香港一個，加拿大一個。

10. 你幾多歲賺到首個一百萬？

答：我都唔知幾時呀，希望愈快愈好！

11. 你現時有否借貸？（包括信用卡、樓宇按揭及私人貸款）

答：我冇借錢，最多分期付款做facial。

12. 你現時共擁有多少張信用卡？

答：有張爸爸畀嘅附屬卡應急時用，我覺得將女人同埋信用卡擺埋一齊，會好危險！

13. 當中最大的信用限額是多少？

答：大概一千蚊加幣，爸爸畀我有需要時用。

14. 你現時擁有多少個物業？

答：冇，我依家住喺公司宿舍。

15. 第一次買樓時你幾多歲？

答：希望30歲之前！

16. 你有冇投資股票或基金？

答：以前喺加拿大，爸爸和我一齊供基金。

17. 試舉出三間本港藍籌公司的名稱？

答：咩係藍籌呀？恒生、中石油算唔算？仲有渣打！（編：竟然畀佢撞啱頭兩個！）

18. 港股在每日何時開巿？

答：九點。（編：朝早九點半！）

19. 現時最看好哪一個國家貨幣？為甚麼？

答：肯定唔係歐元，我諗係人民幣，因為升咗咁多！

20. 你有否購買保險？

答：喺加拿大有份人壽保險。

21. 你認為自己有無商業頭腦？

答：無諗過，我邏輯整理方面差啲。

22. 可以分享一條絕世發達的妙計嗎？

答：嫁個有錢人！不過如果係男女通用嘅話，我諗都係要投資嘅，不過要揀啲冇咁高風險囉！

個人資料

名稱：顏子菲

年齡：26歲

職業：藝人