魚缸Blogger：首鋼資源短線值博
傳統上三月係基金季結月，但大市走勢就相當麻麻，上周再失守250日線。不過，一眾芬佬始終要做靚盤數好向客戶有所交代，所以不排除三月最後一個禮拜或會有驚喜，而兩萬點會係一個唔錯嘅入貨位。
首鋼資源（00639）舊年多賺兩成五，至22.56億元，表現中規中矩。雖然阿爺限制今年煤價升幅，但隨着踏入第二季，內地企業開工率回升，加上今年亦將有超過700萬套保障房計劃開工，對於煉鋼主要材料焦煤嘅需求帶來一定支持。股份預測PE僅個位數字，且喺2.7元暫見初步支持，短線博反彈重返3蚊樓上，應有一定值博率，支持2.7元。
首鋼資源（00639）
阻力位：3.2元
支持位：2.7元