魚缸Blogger:重農行反彈未完成
滬綜指急回,港股尋日亦出現暴炒男之前所講嘅散水格,就算牛熊分界線失而復得,後市仍然係危危乎。
業績股繼續榮辱互見,重農行(03618)舊年純利接近預期上限,尋日股價即時有運行,升近3%。睇番份業績,該行舊年貸款能力仍然強勁,按年升近兩成至1,440億人仔,淨利息收益率同不良貸款比率,亦分別升至3.36%及跌至1.44%,難怪尋日股價逆市走強,係唯一一隻報升收市嘅內銀股。
重農行股價尋日下試100日線後現錘頭待變嘅訊號,交投亦大增,相信有進一步反彈的空間,阻力可先睇4.6元,支持位4蚊。