二手驟靜 30屋苑僅開13張單

盤源買少見少，加上業主群起反價、封盤，昨日30大二手屋苑中僅得7屋苑錄得交投，共13宗成交，較前周下跌四成；而睇樓量則個別發展，其中大埔區屋苑由於盤源少，加上業主叫價太高，嚇怕買家，睇樓量大跌五成。

反價封盤 新界激絕

綜合統計所得，昨日尤以新界區屋苑業主反價、封盤最嚴重。利嘉閣經理楊思賢表示，荃灣區反價嚴重，「現時區內主動反價的業主有四成，而收票後反價的業主亦有三成！」他解釋，二手盤源減少，不少業主更心雄，認為「唔憂賣」，部分優質盤業主甚至豪言 「有價都未必賣」，令成交陷入拉鋸。

樂悠居一個望海單位，原叫370多萬元，但有見同類型單位以更高價售出，業主遂心雄起來，加價至約385萬元，一周後再反價至400萬元，惟至近數日再聯絡不上該業主。楊思賢指，不少業主心大心細，即使放盤也不肯定最終會否出售，因此出現多宗反價後封盤個案。他又指，綠楊新邨有一業主在接近簽約時而終極反價10多萬元，致臨門脫腳，令成交告吹。

除了新界區業主睇好後市、坐地起價外，九龍美孚新邨亦有業主突然加價30萬元，嚇怕買家。中原高級分區營業經理邱少明指，五期高層E單位業主於二月尾開價600萬元求售，本獲心儀買家出價，惟業主突然加價至630萬元，買家只好無奈離場。