魚缸Blogger：歲寶百貨買盤強勁
大市尋日終於出現反彈，不過市場對希臘換債結果嘅解讀仍存變數，今日無論做好做淡都宜小注。
股仔方面，今日繼續跟大行搵食，歲寶百貨（00312）尋日畀瑞銀點石成金，睇好公司新請嘅管理層能提升效率，加上新收購嘅百貨店經營權可提供唔錯嘅盈利貢獻，結果刺激股份單日爆升兩成五。若配合基本因素，溫爺爺最近表示要積極擴大內需、提升人均收入，以保持內地經濟增長動力，有關政策對作為小型百貨股嘅歲寶，自然帶嚟無限機遇。該股尋日成交急飆至逾一年高位，買盤強勁，不妨待股價回落至1.2元邊先上車，阻力睇1.5元。