樓市出更:東九友邦全幢 18億排隊洽
政府落實起動九龍東,區內優質商用物業升值潛力無限。劉Sir聽聞恒地(00012)喺啟德郵輪碼頭正對面嘅友邦九龍金融中心,好多投資者透過代理問價,有代理話由於上址近全幢租出,相信市值可以去到18億元。另市場再錄短炒賺千萬個案,投資者蔡伯能周內摸出旺角通菜街地舖賺2,300萬元,係近排最極速同賺最多個案。
近期九龍東商廈市況跑贏大市,如新地(00016)嘅觀塘敬業街49號商廈樓花33樓頂層,早前以呎價1萬元售,創區內新高。
至於上述恒地旗下的新蒲崗友邦九龍金融中心鄰近未來啟德郵輪碼頭項目,未來租金升值潛力高,故目前有唔少投資者打主意。據悉上址全幢樓高近30層,每層面積約1.1萬方呎,市值料18億元,以總樓面25萬方呎計,呎價7,200元。
水族館舖摸出 周賺2300萬
有代理話,恒地多好貴重商用物業都有好多人有興趣。例如旺角彌敦道579號全幢銀座式商廈,早前傳出獲出價約5.5億元洽購;另同系北角一幢酒店亦獲約10億元洽購。
近排舖位短炒「瘋氣」已吹到九龍民生區,市場再錄短炒賺千萬個案。有代理同劉Sir爆料,資深投資者蔡伯能啱啱就摸出旺角通菜街170至172號地下一個水族館租用地舖,金額大約1.08億元,個單位揸咗一個星期唔夠,帳面即袋2,300萬元,賺幅超過兩成七,算係近期最極速同賺最多嘅個案。
另外,中原徐康達仲話,蔡生過去三日先後購入炮台山、北角、佐敦及旺角共4項商舖,涉資差唔多1.5億元。
物流張摸富榮舖 速袋千萬
至於另一位精於舖位短炒嘅投資者「物流張」,戰績彪炳,可謂鋪鋪賺。佢上個星期買入嘅旺角富榮花園66B舖,尋日即刻以意頭價6,388萬元,話咁快帳面賺1,108萬元,賺幅都有近兩成一。
恒地的友邦九龍金融中心樓高近30層,每層面積約1.1萬方呎。(資料圖片)
集團主席李兆基