魚缸Blogger：四環醫藥短線跟進
港股尋日仲係無起色，跌市成交高達791億元，加上死亡交叉（10日線跌穿20日線）快將出現，睇嚟呢轉調整無咁快完。
股仔繼續受到資金注意，四環醫藥（00460）尋日喺瑞信護航下逆市升逾2%。睇番份報告，該行話四環嘅收入有六成來自獨家產品，而新代理嘅藥物亦有很大增長潛力。
事實上，主營心腦血管藥嘅四環，喺內地嘅市佔率有近一成，舊年中期毛利率達78%，而集團將於十九日公布業績，照計應該唔會太曳。瑞信畀咗4.5元嘅目標價，就算打個八折見3.6元，離現價仲有兩成水位，加上股份已重回50日線，短線跟進有得諗。
四環醫藥（00460）
阻力位：3.6元
支持位：2.8元