魚缸Blogger：天能動力5元冇走雞
阿爺唔再保八，搞到港股尋日近兩個月首次收喺20日線樓下，加上內銀同內險等重磅股開始高處不勝寒，就算係走短線都要控制注碼。
國策轉變，惟有跟住見風使舵，尋日就見到電池股有異動，唔排除資金炒定新一輪扶持行業政策快將公布，當中暴炒男覺得天能動力（00819）最值博。天能係內地最大嘅鉛酸電池生產商，產品除咗受惠大力推動新能源汽車嘅國策外，中央大力整頓行業落後產能亦有利集團發展，加上天能將試行回收舊電池並加以循環再造嘅業務，而舊年中報亦對辦，預測PE僅六倍，尋日成交金額更係三大電池股中最多，今轉直闖5蚊應該無甩拖，支持4.5元。
天能動力（00819）
阻力位：5.1元
支持位：4.5元