魚缸Blogger：中信大錳挑戰1.8元
上個禮拜大市主要喺條10日線附近上落，屬高位整固格局，指標作用唔大，反而係內地將公布通脹數據，𥄫定邊個板塊有搵食機會仲實際。
中信大錳（01091）上周五平地一聲雷，急飆16%，成交更創逾一年新高，睇番炒上原因，係公司舊年純利按年大升78%至4.09億元，但若扣除一次收益，盈利實際上錄得倒退。資金如此亢奮，原來係公司表示喺內地有一塊達1,800畝嘅土地將申請改為商業用途，從而有望為股東帶來豐厚收益，若再配合近期環球資金水浸嘅大環境，以其十一倍PE計，應有一定吸引力。上周五其股價成功突破近周阻力，如能再抽穿舊年十月高位1.52元，今浪有勢直撲1.8元。
中信大錳（01091）
阻力位：1.80元
支持位：1.25元