魚缸Blogger：新天綠色異動可吼
伯老暗示未必有QE3，就算隔晚次輪長期再融資操作（LTRO）銀碼高過預期亦無用，港股尋日失守10日線，睇嚟今浪要整固多陣先再上。
個別風電股尋日有異動，不妨（目及）實隻新天綠色能源（00956），貪佢細細粒容易食。新天綠色主要喺華北從事風力發電業務，同時亦有經營天然氣銷售。舊年內地風電行業佔整體電力行業裝機容量比重唔夠5%，而早前能源局表示一五年內地風電裝機容量要較舊年增逾一倍，加上兩會臨近，或有好消息公布。
新天綠色市值24億元，預測PE十倍唔夠，尋日在成交支持下收復10日線，今趟若衝穿近五個月密集區阻力1.89至1.95元，可試叩2元關。
新天綠色（00956）
阻力位：2.00元
支持位：1.73元