市場徐想：建行盈利前景樂觀

近排祖國見之前揸得太緊，開始放甜品出街！Prof. J就諗起國家嘅大水喉，就係我哋嘅內銀股，喺咁嘅情況下，一定能夠將業務做大，大家話係咪？不過，內銀股入面，要搵到優厚發展潛力同資產質素較好嘅股份，就要多花功夫！

建設銀行（00939）主要業務係公司銀行業務、個人銀行業務以及海外業務在內嘅其他業務等等。一○年，建行嘅公司銀行業務稅前利潤增長8.33%。由於公司類貸款增加，利息淨收入亦增長8.98%，加上單位結算、電子銀行等產品快速發展，手續費同埋佣金淨收入高速增長，達43.65%。建行業務保持較快發展，市場拓展力度亦不斷加大，前景秀麗。

建行喺公司類貸款方面，落咗唔少力去改善管理質素，令貸款質量提升。建行同時亦配合國策，重點保障小企業、網絡銀行貸款等等戰略業務需要。建行去年首三季純利為1,390億元人民幣，按年增25.8%，市盈率9.8倍！繼續追蹤、出發！