樓市出更:靚盤多人搶癲價又來了

樓價搏命狂升,各區樓價紛紛出現新高價,東涌水藍.天岸有個兩房戶成交呎價打破7,000元水平,可以話係東涌兩房戶新指標,至於一向係上車買家樂園嘅天水圍嘉湖山莊,最近有三房戶樓價打破300萬元水平。

東涌物業李順康同劉Sir講,啱啱賣出嘅水藍.天岸2座低層單位,連有平台,面積約682方呎,由於係優質靚盤,所以呎價去到7,111元,喺東涌兩房單位成交中,從來未見過。

翠擁無價講 三客照爭

向來以樓價平見稱嘅嘉湖山莊,近期做價都已經升咗好多。祥益謝利官講,美湖居8座中層三房戶以308萬元賣出,樓價再穿300萬元,呎價達3,779元。中原張國傑指,元朗采葉庭11座中層B室賣415萬元,呎價4,781元,亦係同類三房戶半年最高。世紀21奇豐徐永成話,馬鞍山翠擁華庭8座高層F室,同時有三組客爭住要買,最後業主一毫子都唔減以580萬元賣出。

市區方面,將軍澳樓價升得仲勁。美聯蕭銳賢講,將軍澳中心3座有個連天台戶賣咗460萬元,呎價去到7,455元,至於新都城1期3座高層C室,呎價達6,213元,都係呢幾年嘅新高。

景林邨公屋賣220萬

劉Sir都聽聞,同區二手公屋都頻現高價,好似景林邨景棉樓高層戶,成交價要成220萬元。

靚貨繼續被搶,世紀21日昇黃文龍指,北角和富中心4座中層A室,買家就用1,240萬元接貨。

樓價不斷咁升,主因入市意欲上揚,上個月就有三個屋苑交投破百,其中荔枝角美孚新邨埋數有約105宗。利嘉閣廖偉強都話,全港50個指標屋苑上月有2,113宗成交,按月升3.2倍,樓價都升咗2.3%。

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

劉Sir