魚缸Blogger：華油能源小注怡情
尋日期指結算，績差嘅大笨象（00005）並未有拖冧大市，反而係大戶藉滬綜指八連升、內銀股強勢回歸，將港股推高350點收市，加上資金開始炒「兩會」，金魚缸散水前應可再挾多浸。
異動股今日搵嚟半新股華油能源（01251），隻股喺舊年十二月上市，為內地民營綜合油田服務供應商，業務性質同中海油服（02883）同安東油田服務（03337）相近。跟進原因係尋日朝已經見有多手大手成交，令全日成交暴增至51球，再睇番資料，當日華油首發IPO嘅認購率只有6.05%，而尋日交投大增，可能係大戶已經收齊貨正式開車，小注怡情，阻力位可先睇1.7元，支持位就喺1.25元。
華油能源（01251）
阻力位：1.70元
支持位：1.25元