魚缸Blogger:經緯紡機跟走一轉
大市尋日收喺10日線樓下,係近兩個月首次,尾市大笨象(00005)更被拋售,因該股舊年業績僅如預期,而年內多項財務指標卻令人失望,港股今日有冇運行就好睇大戶嘅解讀。
至於另一隻業績股,經緯紡機(00350)舊年可謂發盈喜嘅常客,當中主要歸功於集團持有逾36%股份嘅中融信託維持高增長。雖然有意見擔心集團舊年第四季盈利或現倒退,但近日愈來愈多聲音憧憬內地或再微調偏緊嘅貨幣政策,最新就傳出樓市嘅「一成首付」將可重新開啟,對從事放貸業務嘅中融信託自然有利。該股尋日初見突破,確認完成圓底後抽,收喺5蚊樓上,跟走一轉,阻力先睇5.5元。
經緯紡機(00350)
阻力位:5.50元
支持位:4.85元