市場徐想：阿里巴巴盡顯財技
近期講到「爆」，唔使講梗係特首啦。識Prof. J都知，我好少講政治，但媒體問到你唔答又會話你冷淡，正所謂「香港是我家，怎捨得失去她」，穩定嘅政治環境確係有助香港嘅經濟發展。
至於股市就仲爆，思捷環球（00330）盈利倒退但算係優於預期故照炒，淡友全部扯白旗。咁都得？阿里巴巴（01688）就仲好嘢，一招「芝麻開門明白了」，用大家五年平錢之後一變將公司以IPO價私有化，馬雲呢鋪真係抵到飛起。
投資同樣講立場
近期發覺喺行家市場，原本有好多財經朋友透過不同頻道同我神交，真係合皮。早兩日與神交多時嘅姚浩然喺一個講座吹水，佢嘅低市帳率、低PE選股法確有根據。低市帳率令隻股跌到去某一個位跌無可跌，低PE撐佢一個小小增長可以支持股價。喺咁嘅市況，記住投資要有立場，咁爆上爆落都爆你唔死。