短炒倉：利君 可趁調整上車

重磅股陸續公布業績，成為近日膠着市況下的炒作焦點。其實所謂炒業績，很多時都只不過是炒作市場的期望，可以跟業績本身的好壞無關，最好就係無期望而有驚喜，就好似之前思捷（00330）咁。

盈警無關營運表現

主要業務為生產靜脈輸液同抗生素嘅利君（02005）日前發盈警，引發股價連跌兩日，昨日再跌2.75%，收1.06元。講到呢份盈警，其實相當可圈可點，皆因主要係集團重新評估○七年收購石家莊四藥導致的商譽減值損失所引致，亦即係話，跟實際業務營運表現無關，股價下跌，相信只是借機消化之前的升幅。

去年大弱勢的藥股，近日不乏利好消息，包括衞生部月初發布《二○一二年衞生工作要點》，擴大國家基本藥物制度實施範圍，並推動農村衞生室實施國家基本藥物制度，令市場憧憬「藥品下鄉」政策出台。在利好因素支持下，利君股價由去年底0.8元水平升至本月高見1.19元，過去兩日的調整，反而可視為吸納機會，1元邊上車，上望1.2元。

利君（02005）

阻力位：1.2元

支持位：0.9元