投資SUN國度：盲目估頂不智 摸低同樣愚蠢

炒得太短同過分敏感，有時是一個問題，昨日自己頗有信心大市快將調整，期指開市5分鐘內已經沽都沽唔切，早段挾上21,600點一刻，當然極之冇癮。幸好自己原本仍是一手貨，不夠對沖，才可以作阿Q精神，死守這批淡倉，在高位還減持了一些二三線。不過，這次經驗反映出期指市場的確高手雲集，先要挾高才反跌，殺完淡友才殺好友，無論日後如何有信心，注碼也不宜太大，一定要保留戰略的彈性。

溝上唔溝落策略正確

挾上一段自己並無斬倉，但亦不敢加注，理由是自己信心十足之下，卻被走勢否定看法，可能是睇漏某些環節，而且貿然再加注，萬一繼續升，屆時持有淡倉心理壓力加重，留放肯定會戰戰兢兢，無謂將自己逼入死角。自己反而在跌破21,250點追沽，市場已向預期中的方向發展，動力澎湃，兼且止蝕位不必放太遠，21,500點已經足夠有凸。其實正路打法，永遠溝上唔溝落。昨日好友先行突襲，其中一個主要理由，是成交實在頗低，在這種市場中運作，太在意短期波動，會是相當危險，如果一意孤行，可能一次失手就重創，折衷辦法，便惟有是先下一注，到市場確認看法才疊上去。

回說大市，當然未夠證據將會大跌，不過以外圍氣氛加上客觀環境，自己仍會主力做淡，以對沖手上持貨，正如昨日所講，近期應升不升乏力迹象漸漸明顯，油價高企亦可以成為回落藉口，現時動力轉為向下，除了繼續加強對沖比重之外，亦可以將入貨行動暫時擱置。

香港股市無論升跌都是相當澎湃，就算回至20,900點以下，也不算特別吸引，寧願到時見市場企穩，回升途中才再入市。今時今日，等調整入市不是一個好方法，調整經常性比預期深，當日估頂不智，今次回落摸底同樣是愚蠢。

（作者為註冊持牌人士）