魚缸Blogger：海東青隨時有驚喜
尋日大市繼續喺高位整固，主板成交跌至600億元左右，高低波幅只有103點，好彩嘅係最後都以陽燭收市。買賣兩閒之際，鑊氣初現嘅海東青新材料（02228）或者隨時有驚喜。
工信部尋日表示，內地「十二五」規劃期間，新材料產業到二○一五年嘅總產值將達到2萬億人仔，年均增速更達25%，對於主打工業用化纖同無紡布嘅海東青，可謂食正國策概念，加上海東青早前被央企中國節能睇中，透過旗下嘅重慶中節能購入股份，而坊間更憧憬中國節能或會進一步增持股份，所以中短線不乏炒上誘因，且股份尋日終獲資金注意，一舉收復四條移動平均線，跟進阻力先睇4.17元。
海東青（02228）
阻力位：4.17元
支持位：3.7元