市場徐想：內地網絡市場高增長
騰訊（00700）呢間公司相信大家都已經耳熟能詳！公司喺內地為用戶提供互聯網增值服務、移動及電訊增值服務以及網絡廣告服務。睇番互聯網嘅行業趨勢，只會繼續發展，唔會停低；首先，中國嘅無線互聯網市場持續迅速增長，無線互聯網用戶總數喺一○年仍然繼續高速增長，增幅29.7%，達到3.027億，主要係因為硬件設備日益完善，無線資料基礎設施同移動應用（如WAP門戶、即時通訊及社交遊戲）嘅迅速發展。
另一方面，微博出現爆炸性嘅增長，成為中國嘅主要社交媒體平台。另一方面，網頁遊戲領域、網路廣告市場亦都不斷增長，更因中國走向世界，奧運同世博等等大型活動，帶動外國對中國資訊嘅需求，令公司係呢幾方面得以大賺一筆。
無論點樣，最緊要都係數據好睇，大家話係咪？公司呢幾年都維持住超過50%嘅盈利增長，雖然市盈率昂貴，但只係反映佢高增長嘅潛力。繼續追蹤、出發！