魚缸Blogger：青蛙王子跑贏同業
尋日大笨象（00005）終於升穿250日線，股價可望有力再衝多一浸，加上內銀股倒升，圖表上恒指收市更出現鎚頭嘅利好訊號，由一月開始嘅升浪應該無咁快玩完。
焦點板塊尋日有兒童用品股，其中青蛙王子（01259）彈力強勁，躍升近9%。買嘢最緊要貨比三家，青蛙王子舊年上半年純利按年急增逾七成至6,961萬元人仔，增長遠遠跑贏同類股博士蛙（01698）同好孩子（01086），加上青蛙王子被福布斯選為二○一二年內地百家最具增長潛力嘅上市公司之一，有助增強投資者信心。青蛙王子尋日一支大陽燭破旗而上，今趟若衝穿3蚊阻力，可見3.2元。
青蛙王子（01259）
阻力位：3.2元
支持位：2.6元