魚缸Blogger：國中最壞時刻已過
港股尋日一開波已補回舊年八月大裂口頂部，雖然之後急回，但上周五低位仍力保不失，加上歐央行次輪曲線放水月底面世，大市要進行顯著調整似乎言之尚早。
有智慧不如趁勢，舊年十月經歷完暴跌嘅國中控股（00202），近月股價已重整旗鼓，目前更醞釀威力更大嘅黃金交叉（50日線升穿100日線）；至於基本因素，除咗旗下嘅黑龍江國中盈利繼續高增長，預料舊年度淨利潤按年升逾五成外，國中近日亦計劃收購從事廢水處理嘅北京天地人環保科技股權，可見集團最壞時刻已過。國中近月維持強勢，尋日再急升近8%，成交逾1億元，跟進阻力先睇0.8元。
國中控股（00202）
阻力位：0.8元
支持位：0.6元