市場徐想：仁智國際另類之選
星期日睇報紙，話蒲台島會向陰宅市場全力進發，如果無記錯，Prof. J喺較早講墓園股，全因一個最基礎嘅概念，需求同供應嘅問題。係人都知香港地產商全力發展陽宅，移山填海嘅同時，陰宅市場之大亦都不能忽視。
Prof. J搵到個數據，就係呢個行業過去五年複式增長超過三倍，仲有如果加上人仔升值，一來一回，都係一個非常好計數嘅回報。加上近年呢個市場為咗走向專業，亦都開始加入監管同追蹤嘅元素，令市場透明度一步步提高，對投資者就更加有利。
要揀另類地產股─仁智國際（08082）係我嘅首選，全因佢哋請咗一位大人物來活化成個項目。呢個代理人曾經為英國若干上市及非上市公司之主席，亦都係Dignity（一間FISE250公司同英國殯儀相關服務最大供應商）主席，似乎佢要將概念本土化，以打造一個全新嘅管理及服務公司（MSC），繼續追蹤，出發！