魚缸Blogger：遠東宏信逆市發力
大市尋日高位整固，續守喺250日線樓上，低位承接力不俗，唯一令人擔憂嘅係希臘獲發援金再添變數，料恒指短線走勢仍會穩中向好。
今日再睇盈喜股，主角輪到遠東宏信（03360）。自舊年十二月後，內地人行再下調存款準備金率一直只聞樓梯響，加上國有銀行每月新增貸款數目持續走低，而今個月四大行頭兩周嘅新增貸款更只有300億人仔，可見資金面仍然偏緊，造就遠東宏信一類民間信貸公司。公司近年亦積極擴闊貸款行業嘅範圍，早前就成立專為內地紡織企業提供融資租賃嘅部門。遠東宏信尋日逆市升逾5%，收復10日線，順勢跟進，下站阻力先睇7.5元。
遠東宏信（03360）
阻力位：7.50元
支持位：6.43元