魚缸Blogger：哈電有重估價值
大市尋日高低波幅唔夠140點，成交得561億元，除咗本地地產股炒小陽春同內房股急跌後反彈外，各主要板塊表現都乏善足陳。
淡市下國策股勝算可能會略高一籌，消息指內地核電新項目最快三月底恢復審批，到二○二○年全國核電嘅裝機目標更達8,000萬千瓦，較原先市場估計多，但環顧尋日三隻主要核電設備股，僅哈爾濱電氣（01133）有升勢。無他嘅，主要係因為哈電係三大核電股中核電業務佔比最低，但正因為咁，得佢嘅往績PE有單位數字，而哈電亦積極發展核電業務，早前就獲得田灣核電站3、4號機組合約，喺追落後下，哈電嘅估值有上調空間，中線阻力位先睇9蚊。
哈爾濱電氣（01133）
阻力位：9元
支持位：8元