黃國英：婚姻無得止蝕

明日是情人節，問豐盛金融資產管理董事黃國英準備了甚麼禮物送給老婆，他說「諗都無諗過」；問他揀股票和揀老婆有甚麼分別，他說「炒股有時係博佢改邪歸正，又或者係鍾無艷，但老婆就好似一個酒樓套餐咁，要包容佢嘅缺點！」

兩人結婚十七年，黃國英直認自己有點大男人主義，「婚姻當然無得止蝕，又或者這樣說，當有問題出現，就要立即挺身而出，即刻解決佢，舉例說如果佢話要學投資，佢未學，我已經將佢（念頭）殺死咗！」

寧叫老婆shopping勿炒樓

「我寧願她日日去shopping，個個月買十幾萬，一年二百幾萬我仲頂得住，但如果佢跟啲師奶去打牌、炒樓，分分鐘會令我破產。我唔可以畀佢亂嚟，投資要經過學習階段，代價可以好大，佢嘅回報和風險太唔成正比！」

他也形容自己好似「專制」，但其實是擔心老婆「出事」，怕分心。「可能自己做生意，所有事情都要under control，每個環節都要看得緊，不能讓問題變大，我唔係打工仔，唔係最多輸份工，出少啲花紅便算，開得公司就要對客戶負責，心理壓力大好多，要好專注，我唔能夠成日擔心老婆有事！」

平日黃國英早上六時起床，八時回到公司，傍晚六時收工，夜晚九時半至十一時睇美股。三月他在伊館搞一個最多容納2,700人的投資講座，不計「度」內容的時間，預備二十至三十個小時綵排，包括跟老師上堂學演講。

今年剛好是他入行二十周年，而去年是痛苦的一年，「自二○○○年我無輸過錢，除了二○一一年！去年香港二、三線股於五至八月期間彈都唔彈，體會到價值投資長遠未必work，反而對沖基金會看人性，睇埋市場貪婪和恐懼情緒！」

他說時代不斷在變，廿年前還可以和股票輕易談戀愛，因當時香港經濟處於高通脹、股市未成熟，做生意門檻高，對地產等高度倚賴，但互聯網出現，尤其智能手機改變人類的生活模式，影響傳統行業股票的價值。現在全世界不會再缺生產設施，缺的是品牌，而美國人在經營品牌上有其過人之處，所以他認真的「戀愛對象」是Google、蘋果公司和萬事達卡。