市場徐想：歲寶百貨潛質優厚
Prof.J呢排成日要返內地，依家內地真係一日千里，商場同住宅都趕得上香港嘅規模！去到內地嘅百貨公司，佢哋經營嘅模式比香港更新鮮，加上祖國同胞嘅消費力，百貨公司有一定潛力！
歲寶百貨（00312）喺祖國經營百貨店業務，有13間百貨店，當中11間喺深圳，貪呢度消費力強，可以吸引埋香港消費者；另外兩間分別喺長沙同汕尾。百貨公司最講究布局，尤其每一層最好只賣一種貨品，等顧客可以集中瀏覽。歲寶百貨大部分門店嘅布局、裝潢同設計都非常相近，有助加深客戶嘅歸屬感。
祖國經濟呢幾年持續增長，算係交到功課；城鎮同胞們嘅人均可支配收入已達到19,109元人民幣，消費市道自然暢旺；撇除通脹影響，實質嘅內地消費其實每年穩步邁進，以○九年計起，祖國嘅消費總額按年增長約14.8%。
睇番數據，集團市盈率約七倍，息率0.56厘，潛力又唔錯，繼續追蹤，出發！