魚缸Blogger：匯銀家電靜極思動
道指上周五逼近四年高位，帶動港股ADR重返21,000點樓上，睇嚟今日恒指250日線（約21,068點）已經係好友嘅囊中物。
舊年內地家電行業產銷額創出歷史新高，反映增長動力仍然強勁，今日就不妨留意市值較細嘅匯銀家電（01280）。主攻內地三、四線城市嘅匯銀，舊年上半年營業額按年急增83%，憧憬阿爺今年將會推刺激消費政策保增長，家電產品好大機會成為受惠對象，喺農村擁有穩健銷售網絡嘅匯銀自然受惠。
匯銀家電股價沉寂多時，上周五終以大成交收復100日線，係逾半年嚟嘅首次，下站阻力可睇舊年十一月高位0.94元。
匯銀家電（01280）
阻力位：0.94元
支持位：0.70元