網友點睇fb上市

Tina：前景唔錯

fb年資 ：3年多

「身邊朋友個個都玩，依家用手提都睇到，好方便！如果fb上市，我諗佢前景應該唔錯，因為用戶人數真係好多，未來會成為廣告宣傳的重要渠道之一，為公司帶來更大收益。微博等其他競爭者唔夠fb流行，我諗佢會繼續係社交網絡嘅一哥！」

Jacky ：未必會買

fb年資 ：2年多

「依家好少玩fb啦！佢上市，我都未必有興趣買！科網股風險較大，始終互聯網公司業務唔夠實在，加上愈來愈多競爭對手出現，例如微博和Google+都好勁！我寧願買蘋果公司股份，話晒有歷史背景，實力雄厚好多！」

梁小姐 ：冇乜信心

fb年資 ：近5年

「我無諗過社交網站都可上市喎！但如果fb上市，我就唔係幾睇好佢個前景啦！依家fb用戶已經好多，未來仲有幾多上升空間呢？依家又有咁多競爭者，雖然我都覺得fb嘅私隱度比其他社交平台高，較有優勢，但科網股始終難畀投資者信心，我唔會買fb股票。」