魚缸Blogger:勝獅貨櫃上望2.2元
預算案無驚喜,大市尋日早段觀望氣氛濃厚,惜內地養老金短期入市無望,恒指最終回吐57點,續守喺一月以來嘅升軌上。
內地一月PMI數據好過預期,刺激一眾航運股向上,純睇走勢,尋日旗形突破嘅勝獅貨櫃(00716)最靚仔,若再配合基本因素,勝獅舊年上半年純利勁升九倍至1.02億美元,業績復甦之餘,集團管理層亦對下半年業務感到樂觀,而喜上加喜嘅係,尋日有航運業巨頭上調多條航線運費,顯示板塊氣氛改善。
勝獅尋日成交急增,照計應該唔會得一日貨仔咁短癮,股價突破10日線後如入無人之境,後市有力闖2.2元。
勝獅貨櫃(00716)
阻力位:2.20元
支持位:1.85元