魚缸Blogger：高鑫逆市企穩睇10元
A股尋日未能紅盤高收，阿爺下調存款準備金率預期落空，多個同內地貨幣政策敏感嘅板塊隨即回落，既然短期調整市來臨，策略上亦要改為轉吼穩陣股。
高鑫（06808）自上市至今，股價一直收喺招股價7.2元樓上，成為少數未有潛水嘅半新股。而作為內地大賣場龍頭，並喺21個省、自治區同直轄市擁有197個綜合大賣場，高鑫舊年上半年純利保持穩健增長，按年升逾四成至7.84億人仔；加上今年歐債危機仍存暗湧，提振內需似乎已經係阿爺保經濟最重要嘅板斧，內需味濃嘅高鑫自然係不二之選。高鑫尋日逆市微升，若回試9.4元水平可小注跟進，阻力睇10元。
高鑫零售（06808）
阻力位：10.0元
支持位： 9.1元