市場徐想:五礦建設實力提升

五礦建設(00230)係中國五礦集團喺香港嘅房地產上市旗艦,中國五礦喺一○年時業務重組,令五礦建設得益不少!首先,公司嘅房地產發展項目擴展到內地更多省市,同時亦建築一個更成熟同高效率嘅經營平台,打響咗「五礦地產」呢個品牌。集團不斷深化財務預算、成本控制等方面,令營銷能力方面嘅整體營運效率同管理系統,獲得一次性提高。集團預售成績超預期,亦成功控制成本同改善產品組合,擴大利潤。

集團喺房地產發展上已建立一定競爭力,呢幾年都成功捕捉到行業周期,另外亦將本身嘅項目規劃、設計及執行、營銷,以及物業管理服務等範疇嘅質素提升,成為一個著名品牌。集團擁有充裕嘅財務資源,現時環境正好有助日後擴張,為內地房地產發展業務做好準備。集團不斷深化其他業務發展,相信會成為內地一間優質房產公司。

集團一○年業績躍升308%,現價市盈率四倍多!繼續追蹤!

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

港大電子金融服務榮譽助理教授 徐燦傑